സ്വപ്‌നസ്ഥനാമെന്റെ താതാ നീയെന്നിലെ
സ്വപ്നരാജ്യത്തിലും വന്നീടണേ!
എന്‍സ്വപ്‌നരാജ്യത്തില്‍ നിന്‍ഹിതമൊത്തുള്ള
നിന്‍ ഭരണം നീ നടത്തീടണേ!!
ഇങ്ങെന്നിലെന്നപോല്‍ സര്‍വചരാചര
സ്വപ്‌നവും നിന്റെ ഹിതാര്‍ഥമാകാന്‍
ദൈവമേ നിന്റെ ചൈതന്യമാം ഞങ്ങള്‍ക്കു
ജീവചൈതന്യമാ,യുള്ളറിവായ്!
ആര്‍ദ്രനാം നീ സ്‌നേഹധാരയായ് ഞങ്ങളില്‍
ക്കൂടൊഴുകീടവെയല്ലയോ ഈ
ഭൂമിയും സ്വര്‍ഗമായീടുക, ഞങ്ങളോ
സ്വര്‍ഗസ്ഥരാം സുതരാകുമപ്പോള്‍!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ