2014, ഡിസംബർ 19, വെള്ളിയാഴ്‌ച

ക്രിസ്തുവും യേശുവും

ക്രിസ്തുവും യേശുവും രണ്ടാണ്, - യേശു
ക്രിസ്തുവാകുംമുമ്പൊരാണാണ്!
ആണാകയാലറിഞ്ഞാണത്തം - തന്റെ
താതനെ കണ്ടെത്തി ജീവിക്കാൻ!!

അങ്ങനെ താതനെ തേടുമ്പോൾ - കണ്ടു
സർവർക്കും താതനിങ്ങൊന്നാണ്!
സർവരും സോദരരാണിങ്ങ് - സ്‌നേഹ-
ധാരയിൽ മുങ്ങിക്കുളിക്കേണ്ടോർ!!

സത്യമറിഞ്ഞവർക്കാവില്ല - ഇങ്ങു
വർഗങ്ങളായ് മാറിനിന്നീടാൻ
ദൈവരാജ്യം ഭൂവിലെത്തീടാൻ - മർത്യർ
വർഗബോധം വെടിഞ്ഞീടേണം!

വർഗബോധം വെടിഞ്ഞീടുമ്പോൾ - യേശു
ക്രിസ്തുവായ്, നമ്മൾക്കുമെത്തീടാം
ക്രിസ്തുപദത്തി, ലാൺ-പെൺ ഭേദം
ഇല്ലവിടാതാത്മാവിലൊന്നാം നാം!

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ