നീയറിയുന്നൂ നീലനിലാവിൽ
നിന്നു നിതാന്തം നിർവൃതിയോടെ
നീൾമിഴിയുള്ള നിശാന്ധതയോടായ്
നീയെഴുതുന്നവയാണിവയെല്ലാം.
നീയെഴുതുന്നു നിശാനന്തതയെ-
ന്നീ നീലിമയിൽ നിഷാദനുമുണ്ടെ-
ന്നീ നിർവൃതിയിൽ നിവൃത്തിയുമുണ്ടെ-
ന്നിങ്ങറിയുന്നീലർഥമൊരാളും.
ഉ,ണ്ടറിയുന്നുണ്ടർഥമൊരാ,ളതു
കണ്ടറിയുന്നവനാരാ?ണതു നീ!
നിന്നിലെയെന്നിൽ, എന്നിലെ നിന്നിൽ
എന്നും നീയോ ഞാനോ സത്യം
എന്നറിയാനായെഴുതുന്നവനോ
എന്നിൽ നീയേയുള്ളെന്നറിവോൻ!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ