2018, ഏപ്രിൽ 8, ഞായറാഴ്‌ച

സ്വർഗ്ഗവാതിൽ തുറന്നിടാം


സർഗചിന്തകൾകൊണ്ടെൻ മനസ്സിലെ
സ്വർഗ്ഗവാതിൽ തുറന്നിടാം, ഓർക്കുക :

എന്റെ സ്വാസ്ഥ്യം, വിജയവും ഹൃത്തിലു-
ള്ളർഥമാമാത്മസന്തോഷധാരയും 
എന്റെയുള്ളിലെ സ്വർഗ്ഗത്തിലുണ്ടതി-
ന്നെന്റെ വാതിൽ തുറക്കണം ഞാനിനി! 

എന്നിലുള്ളതെല്ലാമെന്റെ ദൈവമാം-
ദര്‍പ്പണത്തില്‍ പ്രതിഫലിക്കുന്നവ!

എന്റെ സ്വന്തമായ് ഞാന്‍ കരുതുന്നവ
എന്തുമങ്ങു സമര്‍പ്പിച്ചിടുമ്പൊഴാം
ശാന്തിയെന്നില്‍ത്തുളുമ്പുന്ന, തിന്നതില്‍
എന്‍ വിജയമന്ത്രപ്പൊരുള്‍, നിര്‍വൃതി!

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ