കുരുത്തംകെട്ടവനിരുത്തംവന്നപ്പോ-
ളൊരുത്തരം കിട്ടി, കേട്ടോ?
കുരുത്തംകെട്ടാലുമൊരുത്താനാവുകി-
ല്ലിരുട്ടില് നമ്മളെയാഴ്ത്താന്!
ഗുരുത്വമാം വിളക്കണഞ്ഞിടാവിള-
ക്കിരുട്ടു സത്യമല്ലോര്ക്കൂ!
അകത്തു വെട്ടമെന്നറിഞ്ഞിടുന്ന നീ
ഗുരുത്വമാമതിങ്ങെന്നും
അതു നിറഞ്ഞിടാന് അകത്തെ നിന്മിഴി
തുറന്നിടല് മതിയെന്നും
അറിഞ്ഞുണര്ന്നിടൂ, ഉണര്വിലുണ്ടരുള്
ഉഷസ്സുമ,ങ്ങതില് മുങ്ങൂ!!
