ഏറ്റമസാധ്യമാം കാര്യമെ? ന്തെന്നുടെ
യുള്ളിലുള്ളോൻ ചൊന്നതിത്രമാത്രം:
ഇങ്ങു സമാനമനസ്കരാം രണ്ടുപേർ
തമ്മിലിണങ്ങി ജീവിക്കലത്രേ
ഏറ്റമസാധ്യമാം കാര്യം! ധ്രുവാന്തര-
മാണിണങ്ങീടുവാൻ വേണ്ടകാര്യം!
എത്ര സമാനമനസ്കരാം ഞാനുമെൻ
പുത്രിയും! ചേരുവാൻ എന്തു മാർഗം?
രണ്ടു കാന്തങ്ങൾക്കുമുണ്ടല്ലൊ മധ്യത്തിൽ
ബിന്ദുവോരോന്നതിൽ നിന്നു തമ്മിൽ
നോക്കുക, കാണുക, നിസ്സംഗരാകുക
തമ്മിലിണങ്ങേണ്ടതില്ല നിങ്ങൾ!
